ဘိုင်နရီ နံပါတ်များ Binary Numbers

ဘိုင်နရီနံပါတ်များသည် ကွန်ပျူတာအတွင်းနှင့် ကွန်ယက်အတွင်းလှည့်ပတ်သွားလာနေသော အချက်အလက်များ၏ ဖေါ်ပြချက်များပင်ဖြစ်သည်။

ကွန်ပျူတာနှင့်တကွသော မည်သည့်လျှပ်စစ်ပစ္စည်းကိုမဆို အဆုံးစွန်ထိလေ့လာကြည့်မည်ဆိုပါက “အဖွင့်”နှင့်“အပိတ်” အလုပ်ကိုသာလုပ်ဆောင်ကာ လူသားတို့ခိုင်းသမျှသောအလုပ်များကို လုပ်ပေးနေသည်သာဖြစ်သည်။ ထိုသို့လုပ်ပေးနေသော အဖွင့်၊ အပိတ် ကို သချာၤအားဖြင့် “ 0“ နှင့် “ 1“ ဖြင့်သာဖေါ်ပြကြသည်။

ကွန်ပျူတာတွင်လည်း အချက်အလက် တွက်ချက်မှုမှသည် သိမ်းဆည်းမှုများအထိ အားလုံးသောပြုမူချက်များကို “ 0” နှင့် “ 1” ဖြင့်သာဖေါ်ပြလေ့ရှိသည်။ တနည်းအားဖြင့်ဆိုသော် ကွန်ပျူတာသည် အပိတ် နှင့် အဖွင့် အချက်နှစ်ချက်ဖြစ်သော ဘိုင်နရီဖေါမက် (Binary Format) ကိုသာ နားလည်သည်။ လျှပ်စီးမှုရှိနေသောအချိန်သည် အဖွင့် “ 1” ခြေအနေဖြစ်ပြီး၊ လျှပ်စီးမှုမရှိသောအချိန်သည် အပိတ် “ 0” အခြေအနေဖြစ်သည်။

*ဤနေရာတွင် အဖွင့် အပိတ်ကို ခလုတ်အနေအထားအားဖြင့်သာ ဖေါ်ပြပါသည်။ လျှပ်စီးပတ်လမ်းအနေဖြင့် မဖေါ်ပြပါ။ မှတ်ယူမှု မလွဲမှားစေလိုပါ။ လျှပ်စီးပတ်လမ်းအားဖြင့်ပြောလျှင် အဖွင့်အနေအထားသည် လျှပ်စီးကူးသန်းမှုမရနိုင်ပေ။ အပိတ်အနေအထားမှသာ လျှပ်စီးမှုရှိမည်ဖြစ်သည်။ ဤသို့အားဖြင့် အယူမလွဲစေလိုပါ။ *

ထို “ 1” များ နှင့် “ 0” များ ကို ဘိုင်နရီ ဒစ်ဂျစ်စ် (Binary Digits) သို့မဟုတ် ဘစ်တ ( စ် ) (Bits) ဟုခေါ်သည်။

၎င်းနံပါတ်များကို သချႅာနည်းအားဖြင့် ပြောရမည်ဆိုပါလျှင် အခြေ ၂ကို အသုံးပြုထားသည်။ အခြေ ၂တွင် 1 + 1 = 10 (တစ်ဆယ်မဟုတ်ပါ တစ်၊ သုည ဖြစ်သည်။ ဥပမာအားဖြင့်ဆိုလျှင် အခြေ 10 ကိန်းဂဏန်း 2 ကို ဖေါ်ပြမည်ဆိုပါက 1 + 1 = 2 ဖြစ်သော်လည်း အခြေ 2 စနစ်တွင် ကိန်းဂဏန်း 2 ကို 1 + 1 = 10 အဖြစ်ဖေါ်ပြသည်။ 6 ကို ဖေါ်ပြမည်ဆိုပါက

1 + 1 + 1 + 1 + 1 + 1 = 6 ( အခြေ 10 စနစ် (decimal system) ဖြင့် 6 ကိုဖေါ်ပြသည်။ )

(1 + 1) + 1 + 1 + 1 + 1 = 10 + 1 + 1 + 1 + 1

(10 + 1) + 1 + 1 + 1 = 11 + 1 + 1 + 1

(11 + 1) + 1 + 1 = 100 + 1 + 1

(100 + 1) + 1 = 101 + 1

110

110 ( အခြေ 2 စနစ် (Binary System) ဖြင့် 6 ကိုဖေါ်ပြသည်။ )